Football (Ligue 2) - Dominique Veilex quitte le GFC Ajaccio !
(A redazzioni d'Alta Frequenza) - Avenimentu inaspittatu à u Gazélec d'Aiacciu ! Dominique Veilex ùn hè più l'allenatori di a squadra aiaccina, dipoi meziornu (marcuri). Una dicisioni fruttu di un accordu cumunu, d'appressu à i dirighjenti di u Gaz, di compia issa cullaburazioni di più di dui anni, cù dui cullati à a fila in Naziunali, eppo in Lega 2, cù dinò una meza finali storica in Cuppa di Francia. Dominique Veilex avarà allenatu i diavuli rossi una sola volta in prufessiunali issa staghjoni, à l'uccasioni di a prima ghjurnata di campiunatu, vennari scorsu contr'à Caen. Una partenza, cù raghjoni chì fermani scuri, ma chì ùn tocca tantu u murali di u gruppu, à dui ghjorni di una nova partita, contr'à Istres. I dirighjenti si movini oramai pà truvà à lestra un rimpiazzanti à u coach urighjinariu di u Vaucluse.
Écoutez Olivier Miniconi, président délégué du GFC Ajaccio.
Sur le même sujet
