Football (Ligue 2) - Dimitri Liénard résilie son contrat avec le SC Bastia
Erani aghjà parichji sittimani chì l’affari ùn andaiani : Dimitri Liénard è u Sporting si sò intesi par rumpa u cuntrattu.
I torti, ci sò d’ugni parti : Dimitri Liénard ùn hè statu cusì asattu in a so cumunicazioni, dindu ch’iddu era ghjuntu in Bastia par avè « i chjavi di u camiò ». Issi parolli, ditti in publicu, sariani stati in cunfurmità cù a manera di fà valè i so esigenzi à liveddu internu, incù poca diplumazia.
Tandu, i rilazioni cù l’addistradori sò stati menu lisci.
Senza cuntà chì, dipoi uni poci di scontri, a vodda di u ghjucadori era poca !
U publicu bastiacciu ùn hè statu tantu, da a so parti, a piddà lu in onca : hè statu ancu insultatu mentri certi scontri in Furiani, è ancu, finitu u scontru contru à Pau, davanti à a so famidda, à nantu à u parcheghju llu stadiu.
Po’ i tanti critichi via i reti suciali ùn sò andati in u sensu di a integrazioni d’un ghjucadori chì, quantunca, t’avia un beddu talentu, vistu mentri i primi scontri cù a maglietta turchina.
