Football (Ligue 2) - Défaite de l'ACA face à Sochaux
(A ridazzioni d'Alta Frequenza) - Disfatta vennari à sera di l’AC Aiacciu, in Timizzolu. L’omini d’Olivier Pantaloni ani persu 2 à 3, contru à u FC Sochaux, pà a terza ghjurnata lla Liga 2. Si sò fatti codda in casa soia l’aiaccini, da una squadra bedda dicisa è impignata. A squadra si hè fatta piddà à un sumbrettu in principiu di prima è siconda parti, ma hà quantunca fattu veda qualchì capacità à riagì. À a 95esima minuta, Tramoni hà missu u zicculu à u stadiu, mandendu u ballonu à nantu à u palu lla cabbia di Sochaux, ma fatta fini chì u marcu finali hè fermu com’iddu era. Dopu à issa siconda disfatta in casa soia, ci hà da vulè ch’iddi si ripiddini l’Aiaccini, pà u prossimu scontru in Metz. In u frattempu, a squadra andarà, u 14 d’Austu, à ghjucà unu scontru pà a Cuppa lla Liga, contru à u Parigi FC.
Olivier Pantaloni
Sur le même sujet
