Football (Ligue 2) - Cédric Avinel (Clermont) rejoint l'AC Ajaccio pour deux saisons
(A redazioni d'Alta Frequenza) - L'AC Aiacciu hà arrighjistratu ssu marti dopu meziornu a ghjunta di u so sicondu ghjucadori novu pà a staghjoni chì veni in Liga 2. Cédric Avinel, 31 anni, hà signatu un cuntrattu di dui anni cù u club corsu. Hè un difensori cintrali chì hà ghjucatu in u club di Watford in Ingliterra, eppo in Cannes, Créteil è soprattuttu Clermont ssi sei ultimi anni, un club induv'ellu hè sempri statu titulariu è hà ghjucatu 182 partiti in Liga 2. Ssu Guadaluppeanu ghjucarà dunqua in difesa cintrali à l'ACA pà i dui staghjoni chì venini. Hè a siconda ghjunta dopu à quilla d'Anthony Marin da Nîmes.
Sur le même sujet
