Football (Ligue 2) - Benjamin André tout proche du Stade Rennais ?
(A redazzioni d'Alta Frequenza) - Dopu à Paul Lasne è Memo Ochoa, hè un novu ghjucadori chì era titulariu à l'AC Aiacciu chì si ni và, u club falendu in Liga 2. Benjamin André, furmatu in Aiacciu, andaria in Rennes pà quattru anni sicondu le 10 Sport. Chjamatu da altri clubs, com'è u SC Bastia, Benjamin André duvaria è "fora di un cambiamentu à l'ultima minuta", raghjunghja u club brittonu. Pà ciò chì tocca à Ochoa, s'è no ùn cunniscimi micca a destinazioni di a star messicana, parechji pussibilità sò studiati in ssu mumentu da u so agenti. A Spagna, l'Ingliterra, ma dinò a Francia, cù l'Olympique di Marseghja chì s'intarissaria torna à ellu. Altri ghjucadori aiaccini, chì sò sempri liati à l'ACA inveci quì, si ni pudariani andà da quì à calchì ghjornu, com'è Ricardo Faty è Mehdi Mostefa. Inveci, elementi com'è Johan Cavalli, Cédric Hengbart è Benoît Pedretti firmarani - fora di un cambiamentu - rossi è bianchi a staghjoni chì veni. À u nivellu di i ghjunti, dopu à Cédric Kanté, u club duvaria ufficializà à u principiu di a sittimana chì veni i firmaturi di Benoît Lesoimier (Brest), Nicolas Fauvergue (Reims), è di un ghjovanu ghjucadori d'avvena. U marcatu ùn sarà micca compiu malgradu tuttu pà i dirighjenti corsi.
Sur le même sujet
