Football (Ligue 2) - Amine Boutrah revient au SC Bastia
Photo : SC Bastia
Avanza bè, u primu marcatu di u duettu Antonetti-Tavenot à u SC Bastia : l’attaccu si rinforza, postu ch’iddu volta in a so squadra furmatrici Amine Boutrah.
Era d’issi ghjovani ghjucadori ch’erani stati tocchi da a bancarotta di u Sporting, in u 2017.
Micca ritinutu dopu à a cuddata in Naziunali 2, si hè fattu valè à u Gallia Lucciana, po’ in Concarneau, in Naziunali.
Mentri a staghjoni passata, hà scupartu a prima divisioni ullandesa cù a maglietta di u Vitesse Arnhem : ci hà ghjucatu 29 scontri, hà marcatu trè volti è hà fattu dui passi dicisivi.
Gramazia à – o parvia di – a bancarotta d’issa squadra, hà pussutu annullà u so cuntrattu è ingagià si par quattru staghjoni cù Bastia, chì u conta aghjà da ghjucadori di prima impurtanza.
