Football (Ligue 2) - Agostini et Cropanese signent au CA Bastia
(A redazzioni d'Alta Frequenza) - U CA Bastia cuntinueghja u so marcatu pà a Lega 2, cù dui ghjucadori novi. U primu hè Alexandre Cropanese, un mezu uffensivu dirittu di 19 anni. Quissu quì, d'urighjini bastiaccia, hà da circà à rilancià si dopu à a fin di u so parcorsu cù Montpellier, duva ellu hà cunnisciutu a parti a più impurtanti di a so furmazioni. Un antru ghjucadori hè ghjuntu à u CAB à a fin di a settimana, Dumè Agostini. Ssu guardianu di 23 anni ùn hè micca scunnisciutu, postu ch'ellu era fin'è oghji un elementu di u Sporting Club di Bastia, duva ellu hà passatu dui ultimi staghjoni difficiuli trà feriti è squadra riserva. Vularà rilancià si anch'ellu, ma sarà in cuncurrenza cù Lombard, ma soprattuttu cù Philippon, altru ghjucadori novu chì hà mustratu dighjà bunissimi cosi.
Sur le même sujet
