Football (Ligue 2) - Adrien Thomasson (ETG) prêté au GFC Ajaccio
(A redazzioni d'Alta Frequenza) - In Liga 2, u marcatu avanza bè pà u GFC Aiacciu ! In fatti, u club aiaccinu hà arrighjistratu una cinquesima ghjunta. U ghjovanu Adrien Thomasson hè impristatu pà a staghjoni sana da Evian Thonon Gaillard. Ss'elementu uffensivu chì ghjoca annant'à u latu di manca hà 20 anni, è era dighjà statu impristatu in 2013-2014 in Vannes, in Naziunali, duva ellu avia scrittu ottu rialisazioni in vintisetti partiti. Thomasson hà participatu dinò à trè scontri di Liga 1 cù l'ETG.
