Football (Ligue 1) - Victoire héroïque de l'AC Ajaccio contre Auxerre (2-1)
(A redazzioni d'Alta Frequenza) - Vintesima ghjurnata di Lega 1 è terza vittoria à a fila pà l'AC Aiacciu chì s'hè buscatu una vittoria arisera (sabbatu) in Timizzolu contr'à Auxerre, dui reta à una, dopu à una partita scema. Eppuru sò i visitori chì ani da scriva a prima rialisazioni à a 14a minuta, par via di Oliech. Sei minuti dopu, l'attaccanti d'Auxerre, Le Tallec hè sclusu, dopu à un gestu di ghjocu viulenti contr'à Mostefa. I "Rossi è Bianchi" ani da ripighjà tandu l'affari à contu soiu, ed hè u novu ghjucadori Aiaccinu, Eduardo, chì batti à Sorin, rimittendu i dui squadri à paru. Una prissioni chì a furmazioni di Olivier Pantaloni hà da mantena, è nant'à un corner, à a 33a, Diawara metti un'incapata è scrivi una reta, pà dà un vantaghju difinitivu à i soi. Da nutà i dui sclusioni cantu Corsu di Bouhours, dopu à una siconda carta gialla pà simulazioni, eppo di Maire, di modu direttu pà un gestu di ghjocu appena piriculosu nant'à un avversariu nanzi à a pausa. Ridutti à novi contr'à deci, l'Aiaccini ani da tena malgradu tuttu issu risultatu fin'è a fini, fendu mostra di una grandi sulidità, di curaghju è di sulidarità. Un successu chì parmetti à l'ACA di cuntabilizà oramai 18 punti, ghjustu à dui unità di u 14u, Valenciennes, prossimu avversariu di a squadra in campiunatu.
Écoutez l'entraîneur ajaccien Olivier Pantaloni, à l'issue de ce match
