Football (Ligue 1) - Un international vénézuélien à l'AC Ajaccio ?
(A redazzioni d'Alta Frequenza) - Sicondu certi fonti, u mezu di tarrenu internaziunali venezuelianu,Juan Francisco Guerra, saria in traccia di ghjunghja à l'AC Aiacciu. Ss'ultimu, chì à 26 anni, hè statu selezziunatu 6 volti cù u so paesi, hà ghjucatu fin'è tandu cù Monagas è u FC Caracas, club induva ellu hà participatu à a Copa Libertadores. Ss'infurmazioni malgradu tuttu ùn hè micca stata cunfirmata da i dirighjenti corsi. Hè un mezu di tarrenu difensivu. Da nutà chì i listessi fonti annunziani a ghjunta pussibuli d'Edgar Cani, un attaccanti internaziunali albanesi di 23 anni (5 partiti, 3 reti), furmatu in Italia. Hà ghjucatu in Ascoli, Piacenza è Modena ed era chì hè pocu à u Polonia Varsavia (28 partiti, 13 reti). Ss'infurmazioni devini essa cunfirmati malgradu tuttu. Sapemi chì i dirighjenti aiaccini t'ani parechji pussibilità, frà altru à u stragneru, pà rinfurzà a squadra.
