Football-Ligue 1 : Toulouse FC - SCB ce soir à Furiani
(A redazzioni d'Alta Frequenza) - Stasera à 8 ori, u Sporting Club di Bastia ricevi u Toulouse FC pà a 34a ghjurnata di Lega 1 pà una partita chì s'annunzia di trinca. In fatti, i visitori chì cridiani d'avè una fin di staghjoni tranquilla pudariani bè essa inchietati cù una pussibuli quattriesima disfatta à a fila stasera. Da u cantu bastiacciu, u successu pari essa l'unica alternativa pà issu scontru, à volta pà micca cascà ind'u dubbitu dopu à a disfatta crudela a settimana scorsa in casa contr'à Lille, ma soprattuttu pà ghjunghja à i 42 punti vulsuti da l'intrenori bastiacciu Frédéric Hantz com'è limita à partasi di a quali u Sporting saria guasgi sicuru d'essa mantinutu in Lega 1, una vittoria chì daria à i bastiacci ottu punti in avanza di pettu à Sochaux, prima squadra ind'a zona rossa. Unicu cambiamentu inde u gruppu, ed hè impurtanti, u ritornu di Thauvin, chì colma u biotu lacatu da Yatabaré, suspesu.
On écoute l'entraîneur bastiais, Frédéric Hantz.
