Football (Ligue 1) - SC Bastia : le stade Armand-Cesari suspendu à titre conservatoire
(A redazzioni d'Alta Frequenza) - Hè una vera piulata chì hà toccu ssu ghjovi à sera u SC Bastia. In fatti, a cumissioni di disciplina di a LFP hà dicisu di suspenda di manera cunservatoria u stadiu Armand Cesari dopu a partita contr'à l'OGC Nizza. A cumissioni di disciplina, chì hà fattu sapè par asempiu chì ssi partiti, pocu impremi u locu induv'elli sò ghjucati, duvarani essa ghjucati senza publicu, spiega a so dicisioni da l'adopru di 66 fumigeni, accindini chì sò stati lampati ver di ghjucadori nizzardi duranti u scaldamentu, ughjetti lampati duranti un corner pà Nizza chì hà inghjinnatu l'arrestu di u scontru, i parolli inghjuliosi di sustenidori bastiacci contr'à u dilegatu, dui ballò ghjittati da una tribuna chì hà inghjinnatu l'arrestu di u scontru, è a dimustrazioni parechji volti di u striscionu inghjuliosu è vulgari.
Sur le même sujet
