Football (Ligue 1) - Ronald Zubar prolonge avec l'AC Ajaccio
(A redazzioni d'Alta Frequenza) - Ronald Zubar, u difensori di l'AC Aiacciu, hà da cuntinuà ind'u club aiaccinu a staghjoni chì veni. U guadaluppeanu di 27 anni, passatu pà Caen, Marseghja è Wolverhampton (Ingliterra), sarà sempri aiaccinu un antru annu. In fin di cuntrattu, iss'ultimu hà fattu cunnoscia a voglia di cuntinuà cù i rossi è bianchi nant'à u so contu Twitter. Una bona nutizia pà u club, chì vulia prulungà issu difensori à tutti i patti, chì hà suddisfatu di manera tutali u staff dipoi ch'ellu hè ghjuntu in Aiacciu di ghjinnaghju scorsu. A durata di u cuntrattu hè par avà scunnisciuta. I dirighjenti ricercani oramai 4 o 5 ghjucadori novi: un attaccanti, un difensori cintrali, un laterali à manca è un mezu di tarrenu. Fabrizio Ravanelli, chì ghjunghjarà oghji in Corsica, è chì sarà prisintatu dumani matina à a stampa, hà dighjà dittu ch'ellu vulia circà ghjucadori in Italia, parchì micca à a Juventus di Turinu, pà rinfurzà l'ACA.
Sur le même sujet
