Football (Ligue 1) - Ronald Zubar débarque à l'AC Ajaccio
(A redazzioni d'Alta Frequenza) - Pà rimpiazzà à Carl Medjani, chì hà da parta pà l'AS Monacu in Lega 2 (veda altrò), Ronald Zubar, difensori cintrali di 27 anni, hà da ghjunghja dumani (ghjovi) à l'AC Aiacciu. Quillu chì hà purtatu i culori di Caen è di Marseghja (più di 100 partiti di Lega 1 è una quindicina di scontri in cuppa d'Auropa), ghjucava dipoi trè staghjoni è mezu in Wolverhampton, club di siconda divisioni inglesi. Ronald Zubar hà cunnisciutu dinò a Premier League cù iss'ultima furmazioni. Hè statu internaziunali francesi ind'i ghjovani, cù 15 selezzioni. Da nutà, à u nivellu di i partenzi chì u ghjovanu mezu di tarrenu aiaccinu, Karim El-Hany, ghjuntu à l'ACA in u 2010, hà trovu un accordu cù u club di siconda divisioni belga di u FC Brussels, è lascia dunqua a cità Imperiali.
