Football (Ligue 1) - Réunion constructive entre supporters et dirigeants de l'AC Ajaccio
(A redazzioni d'Alta Frequenza) - Una riunioni trà i sustenidori di l'AC Aiacciu è a squadra dirighjenti di u club, raprisintata da Alanu Orsoni, hè stata urganizata arisera (luni) à l'hôtel Campo dell'Oro. U presidenti aiaccinu, accumpagnatu da l'intrenori di a squadra Christian Bracconi, è u so capitanu Ghjuvan Battistu Pierazzi, ani pussutu risponda à i dumandi numarosi posti da i sustenidori prisenti ind'una sala carca. Situazioni spurtiva è finanziaria, partenza di Fabrizio Ravanelli, marcatu, cartulari di u stadiu François Coty, tutti i temi liati à u club aiaccinu sò stati ammintati senza svianzi, cù certi volti dibattiti assai appassiunati. Ssa riunioni custituisci una dimarchja abbastanza urighjinali à l'ACA, postu ch'ella hè solu a siconda cusì, a prima essendu stata urganizata parechji anni fà dighjà. Un dialogu trà i sfarenti cumpunenti di u club chì ci voli à mantena à tutti i patti, soprattuttu ind'i mumenti difficiuli, com'è a ci dici u presidenti di l'AC Aiacciu, Alanu Orsoni.
Steti à senta à Alanu Orsoni.
Sur le même sujet
