Football (Ligue 1) - Retour à la compétition pour l'ACA qui reçoit Angers mercredi après-midi à Timizzolu
Youcef Belaïli face au Paris Saint-Germain (photo d'archive)
Dopu à sei sittimani di posu parvia lla Cuppa di u Mondu, l’AC Aiacciu ricevi à Angers, marcuri dopu meziornu à u stadiu François Coty.
L’aiaccini ritrovani dunqua a cumpitizioni, spirendu ripiddà a dinamica chì fù soia innanzi à a intirruzzioni llu campiunatu di prima divisioni.
Da pittughjà si à l’ultimu lla classifica, li tuccarà, à Olivier Pantaloni, à prupona una squadra cumpititiva, ben’ch’iddi manchini quattru ghjucadori, suspesi.
Hè supr’à tuttu u sittori uffinsivu ch’iddu ci voli à ricustruì, innanzi à issu scontru impurtanti in a cursa pà u mantinimentu.
Steti à senta à Olivier Pantaloni.
Pà Thomas Mangani, chì hà ghjucatu ottu anni cù Angers, issu scontru pudaria avè un sapori particulari. Ma ùn ci hè tanta piazza pà l’emuzioni, in unu scontru impurtanti com’è quissu.
U ghjucadori – com’è u restu lla squadra d’altrondi – ùn avarà à menti chè a vittoria, chì mittaria i so avvirsarii lu ghjornu à setti punti di scartu.
Steti à senta à Thomas Mangani, mezu tarrenu di l’AC Aiacciu.
Sur le même sujet
