Football (Ligue 1) - Reprise en douceur pour le SC Bastia
(A redazzioni d'Alta Frequenza) - Luni, u SC Bastitia hà ripresu a so attività spurtiva. Nisun faccia nova inde l'effettivu, postu chì a tappa di a DNCG u 5 di lugliu rendi difficiuli u marcatu nanzi à ssa data quì. François Kamano, ufficialmenti di riposu com'è internaziunali, ùn hà ancu ripresu l'intrenamentu è duvaria, com'è Floyd Ayité, andassini da u Sporting pà purtalli calchì soldu ciò chì l'hà da fà prò. Pà ciò chì tocca Julian Palmieri, libaru, dopu avenni parlatu dipoi mesi è mesi, si duvaria ingaghjà cù Lille durant a dumenicata. U staff cunnosci pà contu soiu dui cambiamenti, cù a ghjunta di un priparatori fisicu in più Anthony Grech-Angelini, passatu pà Brest è l'AC Aiacciu frà altru, è a partenza di u kiné Mickal Laborie, rimpiazzatu da quillu di u CA Bastia Nicolas le Guével. In u prugramma, c'hè un staziu nant'à u GR20 ssu luni pà trè ghjorni, un antru staziu di una simana in Aime la Plagne in Savoia à partasi di u 18 di lugliu, è dui partiti amichevuli contr'à u GFC Aiacciu è l'AC Aiacciu in Corti u 9 è u 16 di lugliu, altri partiti sò privisti dinò dopu. François Ciccolini aspetta ghjucadori novi numarosi, ed hè soca cunfidenti malgradu tuttu cuncirnendu muvimenti in ssu sensu nanzi a dicisioni di a DNCG.
Steti à senta à François Ciccolini.
