Football (Ligue 1) - Première pour le SC Bastia à Sochaux
(A redazzioni d'Alta Frequenza) - Stasera (sabbatu) principia u campiunatu di Lega 1, è dunqua si farà u ritornu di u Sporting Club di Bastia inde issa cumpetizioni. È pà issa prima ghjurnata, i bastiacci andarani in Sochaux, chì ghjoca dipoi calchì staghjoni ind'a siconda parti di classifica, passendu à pocu di a falata, è chì pudaria bè fà parti di a corsa à u mantinimentu com'è u Sporting. Nant'à i lochi di Franche Comté, i ghjucadori di Frédéric Hantz, chì sò numarosi à scopra à Lega 1, t'avarani pà scopu bè difinitu di fà pà u meghju. In fatti, issa partita parmittarà à u Sporting di cunfruntà si à i realità di a prima divisioni è di mighjurà si, sapendu chì a squadra ùn hè tantu pronta daveru, calchì mancanzi più o menu impurtanti spuntendu oghji chì hè oghji. U gruppu sarà u listessu cà quillu di u scontru amichevuli di a settimana scorsa contr'à u Chievo Verona, fora di u ritornu di Gilles Cioni.
On écoute l'entraîneur bastiais Frédéric Hantz.
Sur le même sujet
