Football (Ligue 1) - Mutu et l'AC Ajaccio : ça brûle !
(A redazzioni d'Alta Frequenza) - Adrian Mutu cuntinueghja à avvicinà si da l'AC Aiacciu. Mentri chì u presidenti di u club, Alanu Orsoni era assai ottimistu arimani (luni) pà ciò chì tocca à a ghjunta di a star rumena in Corsica, u ghjucadori hà publicatu una bandera corsa nant'à u so contu Twitter stanotti. Si sà chì Adrian Mutu hè in traccia di neguzià a so partenza cù u presidenti di u club talianu di Cesena, rilegatu in Seria B. D'appressu à certi infurmazioni, i neguziazioni si passariani bè. Sariami vicini di veda sbuccà u cartulari. Adrian Mutu hè aspittatu in Aiacciu nanzi à a fini di a settimana. Un cuntrattu di dui anni aspetta l'internaziunali ruemnu chì hà dighjà purtatu i culori di Chelsea, di a Juventus di Turinu, di l'Inter di Milanu o ancu di a Fiorentina. Adrian Mutu saria ancu in Parighji, cù u so amicu Zlatan Ibrahimovic.
