Football (Ligue 1) - Medhi Mostefa contacté par de nombreux clubs
Football (Ligue 1) - L'AS Saint-Etienne se positionne pour recruter Medhi Mostefa
(A redazzioni d'Alta Frequenza) - Si sà, parechji ghjucadori di l'ACA si ni pudariani andà iss'istati. U nomi chì si senti u più hè quillu di Memo Ochoa, u guardianu internaziunali messicanu, chì hà fattu una staghjoni bellissima cù i rossi è bianchi. U so nomi hè citatu ind'i campiunati i più maiò, in Ingliterra, Italia, Spagna, Francia è Grecia. Si n'andarà o micca? L'affari dipindarà forsa da i soldi investiti. Menu mediaticu forsa, ma assai dumandatu anch'ellu, l'internaziunali algerianu Medhi Mostefa, suvitatu dinò da parechji clubs, com'è Marseghja, Toulouse o Saint Etienne. T'hà sempri un cuntrattu cù u club aiaccinu, ma ùn hè micca privistu ch'ellu si n'andessi ancu s'è pruposti cuncreti sariani ghjunti ind'u stadiu François Coty. In fatti, Saint Etienne avaria fattu un'ufferta di 500 000 auri à u club aiaccinu pà buscà si u mezu di tarrenu algerianu. Pruposta chì saria stata ricusata da u club. Sicondu u ghjurnali La Dépêche, u club aiaccinu ùn lintarà micca u so internaziunali sottu à 1,4 millioni d'auri. Un affari à suvità dunqua...
Sur le même sujet
