Football (Ligue 1) – Match de gala entre l’AC Ajaccio et le Paris Saint-Germain à Timizzolu
(Michaël Andreani - Alta Frequenza) - Cunfrontu di i stremi issu dopu meziornu (dumenica) pà issa dicesima ghjurnata di Lega 1, nant'à u tarrenu di Timizzolu trà l'AC Aiacciu, 18imu cù 7 punti, è u Paris Saint-Germain, leader di u campiunatu cù 20 unità à a classifica. Dopu à quidici ghjornu di trea internaziunali, l'Aiaccini si priparani à scuntrà à una squadra à quali tuttu riesci iss'ultimi tempi, è chì hà cunisciutu a disfatta una sola volta dipoi u principiu di a staghjoni. Contr'à un Parighji in piena forma, com'è a so star è capimachja, Pastore, i ghjucadori di Olivier Pantaloni contani di dà si di rimenu pà daveru. In fatti, malgradu un affissu più cà piacevuli, i "Rossi è Bianchi" ùn volini làcà si paralizà da l'avversariu è da l'inghjocu di issa partita, ma piuttostu metta à prufitu tuttu ciò chì s'hè pussutu veda duranti l'ultimi isciuti di l'isulani, cumpiendu nant'à risultati di bona fattura. Da u cantu di u gruppu, Jean-Baptsite Pierazzi è Medi Mostefa sò suspesi, inveci chì u sinigalesi, Leyti N'Diaye faci u so grandi ritornu in difesa. Un scontru duva tutti i piazzi sò stati tutti vinduti è chì principiarà à 5 ori, à u stadiu François Coty.
Sur le même sujet
