Football (Ligue 1) - Ludovic Genest quitte le Sporting
(A redazzioni d'Alta Frequenza) - U Sporting Club di Bastia hà annunziatu oghji (vennari) una partenza, quilla di u mezu di tarrenu uffensivu Ludovic Genest. Quissu quì hè statu impristatu à u FC Istres, un imprestitu senza uzzioni di compra validatu stamani dopu à calchì ghjornu di neguziazioni. Ludovic Genest, chì hà participatu à i partiti d'appruntera di u Sporting, ùn era micca favuritu pà un postu di titulariu ind'un settori dighjà riccu, ciò chì spieca u so imprestitu. A staghjoni scorsa, avia ghjucatu 23 scontri, frà i quali 14 titularii è scritttu 2 reti cù u Sporting ind'u campiunatu di Lega 2 ch'ellu ritrova dunqua cù iss'imprestitu in Pruvenza.
