Football (Ligue 1) - Les jeunes pousses de l'ACA s'offrent de nouveau l'OM (1-0) et terminent 18e du championnat
Sabbatu, pà u contu di l’ultima ghjurnata llu campiunatu di prima divisioni, l’AC Aiacciu ricivia à Marseglia à u stadiu François Coty.
A sola impurtanza di u scontru era unurifica, da pudè renda un beddu umaghju à certi ghjucadori, com’è Leroy o Coutadeur, chì ghjucaiani pà l’ultima volta in Russu è Biancu.
È à veru, ani fattu a so partita, i ghjovani ghjucadori aiaccini.
Dopu à una prima parti à bastanza para trà i dui squadri, è dopu à uni pochi d’arresti magnifichi di Leroy dopu à u posu, Clément Vidal mittia, passati 88 minuti di ghjocu, u marcu di a vittoria aiaccina.
L’ACA cù una nota pusitiva, è si pò vantà d’avè vintu à l’OM dui volti issa staghjoni. A squadra d’Olivier Pantaloni finisci dunqua a staghjoni à a 18sima piazza.
Hè da nutà ch’iddi erani parichji à ghjucà sta sera, i ghjovani furmati chivi : senza cuntà à Vincent Marchetti, Chegra, Puch, Soumano, Strata, è Tourè sò stati d’issa festa. Hè forsa cù issa ghjuvantù ch’iddu devi appruntà, l’AC Aiacciu, u so ritornu in siconda divisioni.
Sur le même sujet
