Football (Ligue 1) - Le stade François-Coty en sursis
(A redazzioni d'Alta Frequenza) - L'AC Aiacciu passava arisera (ghjovi) davanti a cumissioni di disciplina di a Lega di Ballò Prufessiunali, è què, pà u picculucciu splusivu lampatu nant'à u tarrenu, contr'à Nizza, è u bichjeru di carta pienu à soda, lanciatu da i tribuni, è chì hà toccu in capu un ghjucadori di Brest. L'Aiaccini, chì timiani un scontru senza publicu, è una suspensioni di tarrenu, si ni sortini piuttostu bè postu chì a cumissioni di disciplina hà datu una partita senza publicu di modu attimpatu, è un'amenda impurtanti. Ma l'Aiaccini ripassarani da quì à pocu, torna una volta davanti a cumissioni di disciplina, par via d'utilisazioni da i sustenidori, di fumigeni duranti a partita contr'à l'Olympique de Marseille. Vistu chì a squadra hè oramai minacciata da una sanzioni attimpata, i risichi di ghjucà un scontru senza publicu, o ancu d'avè una suspensioni di tarrenu sò à tema. Un colpu pessimu pussibuli pà a squadra, in lotta pà u mantinimentu in Lega 1.
