Football (Ligue 1) - Le SC Bastia se rend à Toulouse
(A redazzioni d'Alta Frequenza) - Stasera (vennari) à 8 ori è 45 ind'u quadru di a sedicesima ghjurnata di Lega 1, u Sporting Club di Bastia si spiazza in Toulouse. Un avversariu chì faci piuttostu un bellu principiu di staghjoni, è chì t'hà elementi di talentu com'è Ben Yedder, Tabanou o Regattin, ma chì soffri di una certa irregularità. I bastiacci duvarani essa attenti assai è pruvà à riproducia, à u nivellu difensivu, a partita in Lille di sabbatu scorsu, rifarenza ind'u gennaru. Ma l'intrenori bastiacciu Frédéric Hantz hà incalcatu dinò nant'à a necessità d'avè di più uccasioni à l'attaccu cà una settimana fà. Landry Bonnefoi sarà torna pà issu scontru ind'i gabbii bastiacci, mentri chì a difesa duvaria essa a listessa cà contr'à Lille. Una bona nutizia pà i bastiacci, postu chì Varenne, Djiku, Moizini è Llambrich escini da u gruppu, Vincent è soprattuttu i trè ghjucadori maiò chì sò Rothen, Khazri è Maoulida vultendu ci pà contu soiu.
On écoute l'entraîneur bastiais Frédéric Hantz.
