Football (Ligue 1) - Le SC Bastia condamné au miracle à Dijon
(A redazzioni d'Alta Frequenza) - Pà a trentaduiesima ghjurnata di Liga 1, u SC Bastia, ultimu, và nant'à u tarrenu di u diciassettesimu è primu club fora di a zona rossa, Dijon. È di pettu à l'ultimi partiti di u Sporting, cù un ultimu scontru contr'à Lille chì hà stampatu i menti d'una manera pessima, u gatttivu spiritu hè sempri prisenti. Eppuru, ci voli à tuccà u legnu pà i Bastiacci, parchì una vittoria, chì s'assumigliaria di più à un miraculu cà ad altru affari cù un sveghju surpresu, parmittaria à u Sporting di vultà à un'unità solu di pettu à u so avversariu di a sirata, chì ùn avanza più dinò in ssa Liga 1 cù dui punti solu in sei partiti, ma cù scontri più ditarminati. Ind'è i Bastiacci, fora di Squillaci, Marange è Boulaya feriti torna à longu andà, Rui Almeida pudarà sceghja i so diciottu ghjucadori à mezu à u so gruppu prufiziunali.
Sur le même sujet
