Football (Ligue 1) - La signature de Youcef Belaïli a permis à l'ACA de gagner plusieurs centaines de milliers de followers en quelques heures seulement
Dipoi marcuri, buddini i reti suciali di l’AC Aiacciu. A signatura, arimani, di u internaziunali algirianu Youcef Belaïli hà infribbatu i statistichi di a squadra aiaccina.
In pochi ori, hè duppiatu u numaru di quiddi chì suvetani i Russi è Bianchi à nantu à Instagram o Twitter. In principiu di sittimana, erani 155 000 abunati à nantu à Facebook. Oramai sò 351 000 : l’ACA entri in i quindici primi squadri prufiziunali à nantu à issa reti chivi.
Missaghja è sparteri in quantità, millai è millai di parsoni à suvità… Quali po’ a s’aspittaia ? Hè vera chì Youcef Belaïli hè suvitatu da 2,9 miliona di parsoni à nantu à Instagram, è 3,5 à nantu à Facebook. Hè unu di i ghjucadori i più suvitati.
Un beddu colpu dunqua, in fatti di cumunicazioni pà a squadra corsa.
