Football (Ligue 1) - L'AC Ajaccio signe un nouvel exploit
(A redazzioni d'Alta Frequenza) - L'AC Aiacciu ghjucarà bè in Lega 1 un antru annu ! In fatti, l'Aiaccini sò andati à circà u so mantinimentu cù una vittoria in Toulouse, dui reti à zeru. Dui rialisazioni magnifichi di Johan Cavalli, à a 20a è 31a minuta, ind'i 16 metri. Contr'à lucali chì ùn aviani più nulla à ghjucà, i ghjucadori d'Olivier Pantaloni ani gistitu pianamentu è bè issu vantaghju duranti tutta a partita, essendu cà pochi in periculu ind'u sicondu periudu. Dopu à una staghjoni difficiuli è ricca d'emuzioni, l'ACA finisci 16u cù 41 punti, surtendu da a zona di rilegazioni di pettu à Caen è Dijon, chì accumpagnani à Auxerre in Lega 2. A Corsica ritruvarà dunqua, a staghjoni chì veni in Lega 1, i derby trà a squadra aiaccina è u Sporting Club di Bastia, di ritornu in prima divisioni.
Écoutez le buteur et héros de la soirée, Johan Cavalli.
Sur le même sujet
