Football (Ligue 1) - L'AC Ajaccio reçoit Lille ce dimanche
(A redazzioni d'Alta Frequenza) - Ssa dumenica, l'AC Aiacciu, ultimu cù 13 punti di menu di pettu à a prima squadra fora di a zona rossa, hà da riceva u terzu di Lega 1, Lille, pà a 27a ghjurnata. Malgradu chì l'affari pari essa intesu, l'aiaccini duvarani pruvà à riagiscia in casa dopu a disfatta in Montpellier, contr'à una furmazioni chì luttarà à più pudè pà buscà si a vittoria in Corsica, è uttena à a fin di a staghjoni un postu qualificativu in Lega di i Campioni. Pà ciò chì tocca u gruppu corsu, Pedretti, Zubar, Bonnart, Remiti è Yakovenko sò feriti, mentri chì u difensori talianu Tonucci hè suspesu pà ssu scontru. Da nutà i ritorni di Camara è di Nadeau o ancu l'intrata di un ghjovanu laterali di u centru di furmazioni, Orengo. Una partita chì principiarà à 2 ori à u stadiu François Coty.
Steti à senta l'intrenori aiaccinu, Christian Bracconi, in cunfarenza di stampa nanzi à u scontru.
Sur le même sujet
