Football (Ligue 1) - L'AC Ajaccio reçoit l'AJ Auxerre ce soir à Timizzolu
(A redazzioni d'Alta Frequenza) - Vintesima ghjurnata di Lega 1, l'AC Aiacciu, ultimu, riceva stasera (sabbatu) à l'AJ Auxerre, quindicesimu. Dopu à una qualificazioni pà i 16i di finali di a Cuppa di Francia in fin di settimana scorsa contr'à Fréjus - Saint-Raphaël, l'aiaccini ritrovani à Timizzolu, pà issu primu scontru di a parti ritornu. Upposti à elli, una squadra, chì ùn si trova chè à quattru punti di iss'ultimi, è chì sarà priva di parechji ghjucadori impurtanti pà issa partita, feriti, suspesi, o cunvucati pà participà à a Cuppa d'Africa di i Nazioni. Da u cantu di u gruppu "Rossu è Biancu", Ilan hè sempri feritu, com'è Rémi Cilia, mentri chì Andy Delort ùn hè micca sicuru d'essa quì, dopu ad avè taghjatu à l'accorta a so seenza d'allenamentu di marcuri. Issu scontru sarà inveci l'uccasioni di scopra l'unica ghjunta aiaccina par avà, quilla d'Eduardo, chì duvaria ghjucà subbitu. In casu di vittoria, i ghjucadori di Olivier Pantaloni ricullariani à un puntu di u 17u, è vidariani cusì i so speri pà u mantinimentu crescia, elli chì fermani nant'à dui belli successi, contr'à Rennes è Sochaux. Un scontru chì principiarà à 9 ori di sera, à u Stadiu François Coty.
Écoutez le capitaine de l'AC Ajaccio, Jean-Baptiste Pierazzi avant ce match.
Sur le même sujet
