Football (Ligue 1) - L'AC Ajaccio persiste et signe à Sochaux (0-2)
(A redazzioni d'Alta Frequenza) - Dicianovesima è ultima ghjurnata di a parti andata in Lega 1, è una siconda vittoria à a fila pà l'AC Aiacciu, chì s'hè impostu stasera (marcuri) in Sochaux, dui reti à zeru. Dopu à un primu periudu guasgi vanu, i cosi ani da andà più in furia dopu à a pausa. Mustrendu si i più prissanti d'intrata, i ghjucadori di Olivier Pantaloni ani da veda i so sforzi ricumpensati à a 65a minuta, André scrivendu una prima reta da un'incapata. Un successu cunfurtatu tredici minuti dopu, Peybernes, u difensori di Sochaux, battendu à u so propiu purtieri sottu à a prissioni di Mostefa ind'i 16 metri. Trè punti in più à a classifica pà l'isulani, ch'ùn sò più oramai chè à trè unità di u 17u , aiaccini chì ùn ani più persu dipoi trè scontri è ch'ùn ani più incasciatu reti dipoi l'ultima ghjurnata.
Écoutez le défenseur ajaccien Fousseyni Diawara à l'issue de ce match, au micro de la chaîne FOOT +
Sur le même sujet
