Football (Ligue 1) - L'AC Ajaccio en déplacement à Valenciennes
(A redazzioni d'Alta Frequenza) - In Lega 1, l'AC Aiacciu si spiazza stasera (sabbatu) ind'u Nordu da ghjucà contr'à a squadra di Valenciennes. Dopu ad avè rializatu un bunissimu risultatu à paru in casa soia contr'à u Parighji Saint Germain, l'Aiaccini s'approntani à issa partita cù serenità ma fendu casu quantunqua. In fatti, i Nurdisti faciani partita a staghjoni scorsa di i furmazioni i più solidi nant'à u so tarrenu, ciò chì pari cunfirmà si quist'annu torna dopu à a so ultima pristazioni contr'à Nizza. Da u cantu di u gruppu corsu, Alex Dupont si duvarà passà di Bouhours, Mostefa è Lippini, suspesi. U scopu di stasera : difenda bè prima di tuttu è avè parchì micca calchì pussibilità uffensiva intarissanti pudendu purtà una reta, è i trè punti di a vittoria.
Écoutez le capitaine de l’AC Ajaccio, Jean-Baptiste Pierazzi.
Sur le même sujet
