Football (Ligue 1) - L’AC Ajaccio en déplacement à Montpellier
(A redazzioni d’Alta Frequenza) - 23a ghjurnata di Lega 1, l’AC Aiacciu si spiazza issu dopu meziornu (sabbatu) inde l’Hérault, da ghjucà contr’à Montpellier, u sicondu di u campiunatu daretu à Parighji, è dunqua in corsa pà u titulu. Dopu ad avè cuncessu u risultatu à paru sabbatu scorsu contr’à Nizza, fendu piantà di fattu una seria di quattru vittorii à a fila, l’Aiaciini chì fermani malgradu tuttu nant’à una bona dinamica, t’avarani u so chì fà contr’à una furmazioni di Montpellier chì hà incatinatu sei successi è chì ùn hà micca presu reti dipoi u principiu di l’annu. Da u cantu di u gruppu « Rossu è Biancu », Johan Cavalli compia a so suspensioni di trè partiti à l’uccasioni di issu scontru. Poulard, Ilan, Begeorgi è N’Diaye sò sempri feriti, mentri chì i dui ultimi ghjunti aiaccini, Saad è Gigliotti facini a so riintratu ind’u gruppu corsu. À 3 unità di u 18u, i ghjucadori di Olivier Pantaloni pruvarani à vultà à u minimu cù un puntu da u stadiu di a Mosson. Un scontru da principià à 3 ori, un ora avanzatu apposta da a LFP par via di u risicu frettu-nevi.
Écoutez le milieu de terrain ajaccien, Damien Tiberi
Sur le même sujet
