Football (Ligue 1) – L’AC Ajaccio doit se ressaisir ce soir face à Bordeaux
(A redazzioni d’Alta Frequenza) – Dodicesima ghjurnata di Lega 1 è un scontru impurtantissimu pà l’AC Aiacciu chì ricevi stasera (sabbatu) in Timizzolu i Girondins di Bordeaux. Dopu à una partita bella povara chjudendu si nant’à una disfatta da u cantu di Marseghja, a settimana scorsa, l’aiaccini, ultimi à a classifica cù 7 punti solu in 11 scontri, devini ripighjà fiatu da buscà si un sicondu successu issa staghjoni, chì li parmittaria di escia infini di a zona di rilegazioni. Contru à elli, una squadra di Bordeaux occupendu un postu pocu fantasticu è piuttostu inaspittatu : in fatti, i ghjucadori di Francis Gillot scontrani i guai in campiunatu, truvendu si diciottesimi cù 9 unità di presi. Da u cantu di u gruppu « Rossu è Biancu », si pò cuntà guasgi nant’à tuttu u mondu, fora di Antò Lippini, suspesu è di Fabrice Begeorgi, sempri feritu. Una partita duva i dui furmazioni vularani à tutti i patti buscà i trè punti di a vittoria, cù scopu di caccià si infini di issu gattivu periudu, è curreghja u so principiu mancatu inde issa cumpetizioni quì. Un scontru da principià à 7 ori di sera, à u stadiu François Coty.
Ecoutez le milieu de terrain de l'AC Ajaccio, Mehdi Mostefa
