Football (Ligue 1) - L'AC Ajaccio conquérant face à Guingamp
(A redazzioni d'Alta Frequenza) - Dà u massimu è micca influenzà di una gattiva manera u campiunatu ! Eccu i scopi di i ghjucadori di l'AC Aiacciu fin'è a fin di a staghjoni, è chì ricevini stasera (sabbatu) à 8 ori l'En Avant Guingamp, pà a 29a ghjurnata di Lega 1. In fatti, malgradu ss'ultimu postu è una sorti dicisa, l'aiaccini, chì sò annant'à una bona dinamica in ssu mumentu, volini tena una certa ambizioni è pruvà à finiscia u meghju pussibuli, calcosa chì passarà pà una vittoria contr'à i brittoni. Una squadra di Guingamp bè urganizata, 14a par avà, ma chì dopu à un principiu putenti, s'hè stallata dipoi a siconda parti di a staghjoni à a fin di a classifica. In più di l'assenzi di Pedretti, Cavalli, Zubar, Bonnart è di Yakovenko, ci hè quilla di Dielna, feritu à a cavichja duranti u scontru di a sittimana scorsa in Nantes.
Steti à senta l'intrenori aiaccinu, Christian Bracconi.
