Football (Ligue 1) - L'AC Ajaccio arrache le nul avec les tripes à Bordeaux (2-2)
(A redazzioni d'Alta Frequenza) - Issu dopu meziornu (dumenica), l'AC Aiacciu hà strappatu u puntu di u risultatu à paru, nant'à u tarrenu di i Girondins de Bordeaux, 2-2, dopu à una partita scema. Dopu à un primu periudu assai equilibratu trà a squadra lucali è una furmazioni aiaccina bella solida, i cosi sò andati più in furia pà u sicondu tempu. Ed hè Bordeaux chì hà scrittu a prima reta à a 54a cù un'incapata di Henrique nant'à un corner. Ci sarà vulsutu ad aspittà menu di deci minuti pà veda a riazzioni corsa, Faty mandendu un ballò, datu da Diarra torna nant'à un corner, cù una ripresa à u bulu ind'i reti di Carasso. I ghjucadori di Francis Gillot ani ripresu u vantaghju à a 78a cù Gouffran, solu solu ind'i 16 metri. È mentri ch'ellu si cridia chì l'affari era compiu pà l'ACA, Belghazouani, intrutu calchì minuta prima, hà rimissu tuttu u mondu à paru grazia à una magnifica rialisazioni, ind'u tempu aghjustatu. U ghjovanu purtivichjacciu chì, à calchì siconda di a fini hà ancu mancatu pocu di metta una terza reta. Una bunissima uparazioni chì issu puntu buscatu in Gironde pà i corsi, tredicesimi di issa Lega 1 cù 6 unità presi pà un stessu numaru di partiti ghjucati.
Ecoutez l'un des héros de ce match, Chahir Belghazouani, au micro de la chaîne BeIn Sport.
Sur le même sujet
