Football (Ligue 1) – L’AC Ajaccio affronte l’Olympique de Marseille ce soir au Vélodrome
(A redazzioni d’Alta Frequenza) – Ondicesima ghjurnata di Lega 1, l’AC Aiacciu ghjoca stasera (sabbatu) contr’à l’Olympique di Marseghja. Dopu à una disfatta logica dumenica scorsa contr’à u Paris Saint-Germain, l’aceisti ani à essa cunfruntati à una squadra marsighjesi chì strazia dipoi u principiu di a staghjoni in campiunatu, è appiendu persu issu marcuri u so scontru di Champions’ League contr’à l’inglesi d’Arsenal. L’aiaccini duvarani essa più serii in difesa chì duranti i so ultimi partiti, s’elli volini buscà si un risultatu intarissanti pà issi lochi ; in fatti, a difesa « Rossa è Bianca » hà dighjà incasciatu vinti reti in deci scontri, vali à dì una mezana di dui à partita. Da u cantu di u gruppu, Olivier Pantaloni ritrova à Ilan, rimissu di a so ferita, ma dinò à Pierazzi è à Mostefa, dopu à a so suspensioni contr’à Parighji. Inveci, Begeorgi, El-Hany è Mendy sò sempri da u cantu di l’infermeria. L’isulani pruvarani à apprufità di a situazioni di crisi chì inghjira a casa marsighjesi pà rilancià si, è lascià infini issa zona di rilegazioni. Un scontru da principià à 7 ori di sera, à u stadiu Velodrome.
Ecoutez le jeune attaquant de l’AC Ajaccio, Andy Delort.
Sur le même sujet
