Football (Ligue 1) - L'AC Ajaccio accueille Toulouse à Timizzolu
(A redazzioni d'Alta Frequenza) - 31a ghjurnata di Lega 1, l'AC Aiacciu, ultimu, ricevi stasera (sabbatu) à 8 ori à u stadiu François Coty, u Toulouse FC, 8u. Dopu avè vintu cù a più bella manera in Valenciennes a sittimana scorsa, l'aiaccini, chì volini onorà a maglia stampata cù a testa mora fin'è a fin di a staghjoni, bramarani di cuntinuà cusì stasera. L'avversariu, cù parechji assenti pà ssu viaghju in Corsica, faci dipoi calchì ghjurnata una ricullata assai intarissanti, è pò sempri sunnià à una piazza aurupea pà a fin di l'eserciziu in Europa League. Christian Bracconi, l'intrenori aiaccinu, ùn pudarà ancu cuntà annant'à Pedretti, Dielna, Oliech, Cavalli, Tonucci, Iakovenko è Zubar, feriti, ciò chì laca una piazza maiò à a ghjuventù, cù ottu elementi di u centru di furmazioni ind'u gruppu.
Steti à senta à Christian Bracconi, assai fieru di i scontri di i so ghjucadori dipoi u principiu di l'annu 2014.
