Football (Ligue 1) - L'AC Ajaccio a repris l'entraînement
(A redazzioni d'Alta Frequenza) - Dopu à calchì ghjornu di riposu, una parti maiò di i ghjucadori di l'AC Aiacciu hà ripresu arimani (dumenica) l'intrenamentu. Un prugramma lighjeru pà l'aiaccini pà fà passà di una certa manera u principiu di i festi prima di ritruvà a cumpetizioni cù a dumenicata chì veni un scontru di cuppa di Francia in Quimperlé, eppo a ghjunta in Timizzolu a settimana dopu in Lega 1 di u Parighji Saint Germain. L'arretta d'inguernu hè guasgi compia, è dunqua eccu ch'ellu s'avvicina u famosu marcatu di i trasferimenti, cù parechji partenzi à priveda ind'i corsi, mentri chì à l'arringuerciu, vali à dì pà i ghjunti, pari chì nulla sighi prugrammatu. Cù novi punti in diciannovi scontri di campiunatu, l'ACA voli sempri creda à u miraculu di u mantenimentu, malgradu u fattu chì i dirighjenti avissini annunziatu di manera chjara ch'elli cuminciavani à priparà a staghjoni chì veni u pianu sottu.
Ritornu annant'à ssa ripresa cù Yann Daniélou, l'aghjuntu di l'intrenori Christian Bracconi.
Sur le même sujet
