Football (Ligue 1) - Khazri quitte le SC Bastia, Maboulou arrive
(A redazzioni d'Alta Frequenza) - Mentri chì ssu luni, u SC Bastia hà ripresu l'intrenamentu, dui muvimenti di ghjucadori sò stati ufficializati. U primu hè una partenza, postu chì dopu à novi anni in u club, Wahbi Khazri (annant'à u ritrattu) hà dittu addiu à i so cumpagni. L'internaziunali tunisianu hà da andà ind'i Girondins di Bordeaux pà un prezzu chì trapassaria i 2 millioni d'auri. À u nivellu di i ghjunti, u Sporting hà cuncretizatu quilla di Christopher Maboulou. Ssu mezu di tarrenu uffensivu di 24 anni in fin di cuntrattu ghjucava fin'è tandu in Châteauroux, duva ellu hà participatu à 33 scontri a staghjoni scorsa in Liga 2 pà 10 rialisazioni. S'hè ingaghjatu fin'è u 2017 cù u club. Infini, un terzu muvimentu, sempri pà i ghjunti, pudaria accada, postu chì si parla di u guardianu internaziunali alimanu Timo Hildebrand, in fin di cuntrattu cù Schalke 04. À 35 anni, hà ghjucatu più di 300 partiti di Bundesliga, è parechji decini di scontri di Liga di i Campioni, sei a staghjoni scorsa. Un prufilu di sparienza chì pudaria essa a prifarenza di u club di pettu à altri guardiani.
Sur le même sujet
