Football (Ligue 1) - Julien Sablé va rejoindre le SC Bastia
(A redazzioni d'Alta Frequenza) - U Sporting Club di Bastia hà ufficializatu stasera (dumenica) a ghjunta da quì à calchì ghjornu di u mezu tarrenu Julien Sablé. Quissu quì, disimpiecatu dipoi a fini di u so cuntrattu cù l'OGC Nizza, firmarà pà novi mesi cù u club, essendu prisenti in Bastia marti pà a tradiziunali visita medicali. Sablé, 32 anni è mezu difensivu o ricuparatori, hà ghjucatu 422 partiti di campiunatu in prufessiunali dipoi u principiu di a so carriera, cù 275 in Lega 1. Hè passatu pà San Stefanu, essendu ni unu di i ghjucadori i più famosi duranti l'anni 2000, un picculu tempu in Lens, eppo in Nizza stendu ci trè staghjoni, disputendu frà altru vinti scontri a staghjoni scorsa.
Sur le même sujet
