Football (Ligue 1) - Jirès Kembo-Ekoko proche du SC Bastia
(A redazzioni d'Alta Frequenza) - U marcatu di i trasferimenti hè guasgi compiu, ciò chì duvaria dà una settimana carca à muvimenti ind'i clubs isulani, è par asempiu u SC Bastia, chì cerca ghjucadori pà u so settori uffensivu ma dinò pà a difesa. Ed hè un elementu uffensivu chì saria u più vicinu pà ingaghjà si cù u SC Bastia. In fatti, u Sporting neguzieghja dipoi parechji ghjornu cù Jirès Kembo-Ekoko, mezu uffensivu dirittu di 25 anni, neguziazioni chì andariani più in furia dipoi l'ultimi 48 ori. Quissu quì t'hà sempri un cuntrattu cù u club di l'emirati Al Aïn, ma si ni voli andà pà vultà ind'u campiunatu di Francia ch'ellu hà lasciatu in principiu di staghjoni scorsa dopu à un trasferimentu da u club chì l'hà furmatu, Rennes. Suvitatu dinò da Marseghja, ssu ghjucadori chì t'hà qualità tennichi sopra à a media pudaria essa da quì à pocu un elementu di bunissima scelta pà u Sporting.
Sur le même sujet
