Football (Ligue 1) - Jérôme Le Moigne (Lens) au GFC Ajaccio
(A redazzioni d'Alta Frequenza) - U GFC Aiacciu t'hà u so terzu ghjucadori novu pà ssu marcatu d'istati. Dopu à Touré è Sylla, u mezu di tarrenu difensivu di u Racing Club di Lens in Liga 1 a staghjoni scorsa, Jérôme Le Moigne, s'hè ingaghjatu cù u club aiaccinu. Hà firmatu un cuntrattu di dui anni. Ssu ghjucadori di sparienza, di 32 anni, hè passatu par asempiu pà Cannes, Tulò, prima di stà duranti sei staghjoni in Sedan eppo trè altri in u Nordu di a Francia. Veru titulariu, hà ghjucatu guasgi 300 partiti in prufiziunali, a maiò parti in Liga 2.
