Football (Ligue 1) - Jean-Louis Leca revient au SC Bastia
(A redazzioni d'Alta Frequenza) - U Sporting Club di Bastia hà annunziatu ch'ellu hà trovu un accordu pà un scambiu di guardiani, Magno Novaes, guardianu di u Sporting scartatu da Frédéric Hantz essendu scambiatu cù u guardianu rimpiazzanti di Valenciennes, Jean Louis Leca. Ss'ultimu s'ingaghjarà luni pà dui anni cù u Sporting, pà ciò chì sarà u so ritornu ind'u club chì l'hà furmatu. Jean Louis Leca, chì t'avarà 28 anni à u mesi di sittembri, era dipoi cinqui anni u rimpiazzanti di un antru guardianu furmatu ind'u Sporting, Nicolas Penneteau, ind'u club nurdistu duva ellu avarà ghjucatu solu un scontru in cinqui anni. Duranti u so primu passaghju à u Sporting, Leca avia participatu à 34 partiti in quattru anni di prisenza ind'u gruppu prufiziunali. Sarà u rimpiazzanti di Mickaël Landreau, un amicu, ciò chì duvaria renda più faciuli i rilazioni spurtivi trà di i dui omi.
Sur le même sujet
