Football (Ligue 1) - Jacques Faty devrait rejoindre le SC Bastia
(A redazzioni d'Alta Frequenza) - U Sporting Club di Bastia pudaria avè trovu u difensori cintrali ricircatu da Frédéric Hantz. Saria Jacques Faty, ghjucadori francesi è senegalesi di 29 anni, fratellu di u mezu di tarrenu di l'AC Aiacciu, Ricardo Faty. Passatu pà Rennes, duva ellu hè statu furmatu, Marseghja è Sochaux, Jacques Faty hà participatu à 215 scontri di Lega 1 ind'a so carriera prima d'andà ind'u club turcu di Sivasspor d'istati di u 2011, squadra duva ellu hà vulsutu compia u so cuntrattu più prestu cà privistu. Duvaria firmà da quì à calchì ora cù u Sporting, o dumani (ghjovi) à u più tardi.
