Football (Ligue 1) - Ghislain Printant n'est plus l'entraîneur du SC Bastia (officiel)
(A redazzioni d'Alta Frequenza) - L'annunziu fattu calchì ora fà da u ghjurnali l'Equipe hè statu cunfirmatu ssu ghjovi in mità di matinata : Ghislain Printant ùn hè più l'intrenori di u Sporting Club di Bastia. L'infurmazioni hè stata ufficializata da i dirighjenti di u club, à dui ghjorni di un scontru di Liga 1 in Furiani contr'à Liò, in un cumunicatu di stampa assai cortu. Ecculu : "à partasi d'oghji, Ghislain Printant ùn hè più in carica di a squadra prufiziunali. A missioni hè stata cunfidata à François Ciccolini d'essa à u cumandu fin'è a fini di a staghjoni è d'assicurà u mantenimentu in Liga 1. Sarà appughjatu da Hervé Sekli è Benoît Tavenot. Di più pricisioni annant'à i raghjoni di ssa riurganisazioni sarani dati dumani in cunfarenza di stampa nanzi à a partita".
Sur le même sujet
