Football (Ligue 1) - Fernand Mayembo s'engage avec l'AC Ajaccio
Photo Hac-foot
Si sapia, ma hè oramai ufficiali : u difindidori cintrali di le Havre, Fernand Mayembo, hà signatu incù l’AC Aiacciu.
L’infurmazioni, era stata data da i ghjurnalisti di Paris-Normandie, è cunfirmata in fin’ di sittimana da a squadra nurmanda.
Marti, hè tocca à a squadra aiaccina à dì chì u ghjucadori saria di u so effettivu pà i trè staghjoni à vena.
L’internaziunali cungulesu, chì t’hà 26 anni, hà ghjucatu 83 scontri in siconda divisioni, incù Niort, Grenoble è Le Havre.
À senta ni à l’Equipe, pà issu trasfirimentu, ci hè vulsutu à pagà à Le Havre un’indennità di 300 000€.
U marcatu aiaccinu ùn hè ancu à compia, chì s’aspetta sempri un difindidori latirali. Pudaria essa Fabrice N’Sakala, libaratu da a squadra di u Besitkas Istanbul parvia d’un tweet.
Missu à u provu chì sò parichji ghjorna, pari ch’iddu cunvenga à a squadra tecnica, ancu sè par avali, dicisioni cuncreta ùn si n’hè presu.
L’ACA duvaria dinò ingagià un ghjucadori da rinfurzà a so attacca. Si tratta chivi di posti di primura, chì costani u so beddu prezzu.
Sur le même sujet
