Football (Ligue 1) - Eduardo est arrivé à Ajaccio
(A redazzioni d'Alta Frequenza) - L'attaccanti bresilianu di u RC Lens, Eduardo, sarà bè aiaccinu. Iss'ultimu hè in fatti ghjuntu ind'a cità imperiali in fin di matinata (marti) da scuntrà à i dirighjenti di l'AC Aiacciu. Dopu ad essa statu annunziatu da u cantu di Guingamp, pari bè chì Eduardo avarissi sceltu finalmenti a Corsica è a Lega 1. Iss'ultimu hà da passà issu dopu meziornu, a tradiziunali visita medicali, nanzi d'ingaghjà si di modu ufficiali cù a squadra, forsa fin'è a fini di a staghjoni 2012-2013. U ghjucadori sarà prisintatu à a stampa dumani à 9 ori. L'ACA pudaria buscà si unu, o ancu dui altri ghjucadori, da pudè dà si u massimu di pussibilità ind'a corsa à u mantinimentu. In fatti, i boni risultati uttenuti di dicembri ani rilanciatu i Corsi in campiunatu, è tutti i speri sò oramai pussibuli.
