Football (Ligue 1) - Eduardo à l'AC Ajaccio : viendra, viendra pas ?
(A redazzioni d'Alta Frequenza) - Vinarà o micca ? Annunziatu com'è a prima ghjunta di l'AC Aiacciu pà u marcatu chì veni di cumincià, l'attaccanti bresilianu Eduardo darà finalmenti a so dicisioni oghji. Iss'ultmu appiendu dinò ricivutu un'offerta da a squadra brittona di Guingamp. D'appressu à u presidenti aiaccinu, Alanu Orsoni, un agentu avaria fattu prissioni nant'à a famighja di u ghjucadori bresilianu, parlendu ancu di "terruristi", da fà scambià d'avisu à iss'ultimu, è ch'ellu andessi infini ind'a squadra brittona. "Metudi ch'ùn si poni micca accittà" sicondu Alanu Orsoni, chì ùn vularà micca firmà si cusì s'è u trasferimentu duvia in fin di contu fiascà. Saparemi oghji u sbuccià di iss'affari quì.
