Football (Ligue 1) - Déroute pour le SC Bastia à Montpellier
(A redazzioni d'Alta Frequenza) - U Sporting Club di Bastia hà cappiatu, di modu fisicu è mintali, nant'à u tarrenu di Montpellier, cù una disfatta maiò 4-0. Dopu à un principiu di partita duva Montpellier duminava appena, Estrada crucificava à Bonnefoi à a quatordicesima minuta. Dopu à issa reta, i bastiacci ani cuminciatu à cappià pianament'è bè. È mentri chì dopu à a pausa, u Sporting paria di più in forma, Utaka rindia scema una difesa bastiaccia tutalmenti persa pà serva à Herrera chì trasfurmava iss'uccasioni à a 48a. Slanciu taghjatu, speri svaniti, tuttu què aghjunghjendu si à i sanzioni di a LFP senza pietà chì ani toccu di manera assai evidenti u murali di u gruppu, u Sporting lasciava l'armi. Incapaci d'andà di fronti inde issa partita, quissi quì si sò annigati cù una terza reta scritta di modu faciuli da Belhanda à a 59a, Mounier chjudendu l'affari à a 75a. U contu avaria pussutu essa ancu di più impurtanti senza i grandi arresti di u guardianu bastiacciu Landry Bonnefoi. Di più cà a situazioni à a classifica, vali à dì un sedicesimu postu ma cù un'avanza stabuli di trè punti nant'à u primu di a zona di rilegazioni, hè u statu murali chì inchieta assai nanzi à a ghjunta di Nancy chì si duvaria fà sabbatu chì veni in cuntinenti.
On écoute Julien Sablé au micro de BeIn Sport.
Sur le même sujet
